كتب: أشرف عويضة
تُعتبر الشاعرة جيهان النجار، من السيدات اللاتي توغلن في مجال كتابة الشعر والأدب، وهي أيضاً عضو اتحاد كتاب مصر وترأست نادي ادب دكرنس سابقاً، وقدمت العديد من الأعمال الكتابية، منها ” ياخبر ابيض على عيونه .. ولما يرن تليفونه .. ولما الاقيه سايب لي رسالة فيها غرام.
وتأتي القصيدة الشعرية للكاتبة جيهان النجار كالآتي:
أنا بدونه باكون مش لاقية إحساسي
ولاعارفة مكان رجليا من راسي
ولا لاقية لصوتي كلام
ولما يقول وحشتيني
بابيع الدنيا
تسوى الدنيا ايه يعني هتبقى بكام ؟!
واحس بقوة جبارة.. وبعد ماكنت منهارة
بقيت وكأني ف العشرين نشاط حيوية ورشاقة
وفيه طاقة تهد الكون
وحشتيني
بتعمل مني عفريتة
وممكن أجيب سبأ بلقيس… وبارجع طفلة بشريطة
واحس الكون بقى عيونه…واحس كأن انا خريطة وتلتين الحياة فرحة وتلت العمر من احاسيس
وبابقى عايزة أهد البيت..واعيد من تانى بنيانه
وازوق أرضه وحيطانه وارتب كل أركانه
وأحط حنانه في الفازة واحط على الكراسي ورود
وافرق ع المكان ألوان
صباح الخير
اذا قالها كأن الحضن لم اسكندرية بحالها دوبها في حنان أسوان وخلا الضحكة منصورة
بتتباع فرح ف الدكان
وحشتيني
يابنت الإية.. لغة من إيه.. حروف اتوفقت من سحر واللا اتكونت من بحر شعر وليه..!!
دا لما يقول وحشتيني
بيبقى العمر مش ملكي وملياش فيه
بتبقى حياتي ملك إيديه
ولما يقول حروف اسمي
بيقع القلب من طوله ويغمى عليه
مانا يانن عين قلبي باخبي الحب م الدنيا
عشان لو عوزته يوم تلاقيه
جدار العمر لو ينقص.. قلبي الخضر.. مستنيه
